سياسة الصمت الاستراتيجي.. إلى متى؟ ✋

بقلم الأستاذ محمد يحي سليمان 

🔴 المال قوة.. لكنه أصبح نقطة ضعف في منطقتنا، مش بسبب قلة الإمكانيات، بل بسبب سوء الاستخدام. الخليج بثرواته بقى أداة في يد الغرب، بدل ما يكون لاعب مستقل على مائدة القرار. الاستثمارات اللي مفروض تكون ورقة ضغط، بقت وسيلة لتركيع الدول العربية لبعضها!

🔴 أمريكا والغرب استخدموا الخليج لتحقيق مصالحهم، والخليج للأسف بيستخدم نفس الأدوات ضد أشقائه العرب! والنتيجة؟ فرقة، صراعات، وقرارات تملى علينا بدل ما نكون أصحاب القرار.

🔴 قمة عربية جديدة، ومحدش متفائل.. لأننا عارفين إن الكواليس هتكون "مغلقة" علينا، لكن مفتوحة في البيت الأبيض! مصر بتطرح حلول، والخليج بيدفع الفاتورة لأمريكا عشان تتقبلها!

🔴 مصر بقت وحيدة في المشهد، رغم محاولتها خلق تحالفات عربية حقيقية. الجيل الجديد من قادة الخليج مش شايف قيمة مصر ولا فاكر مواقفها، ويمكن لأنهم معاشوهاش؟!

🔴 التحالفات العربية بتتفكك، وشمال إفريقيا بتبعد، والسبب الرئيسي هو سياسات الخليج اللي فضلت تلعب دور الرجل المفضل عند أمريكا، بدل ما تبني مشروع عربي مستقل.

🔴 الخليج بدون مصر، بدون مجاملة، لا شيء. وهيدرك ده قريبًا جدًا.. لأن الخطط العشرية والاستثمارات مش هتحميه لما تيجي لحظة الحقيقة. اسألوا أوكرانيا عن الضمانات الغربية!

🔴 الشعوب العربية عندها فرصة لإحداث الفارق، ولو الأنظمة مش هتفهم ده، التاريخ مش هينسى.. وافتكروا دايمًا: لا تعطي سيفك لمن قتل أباك!